Në vetëm dy ditë, Real Madrid do të përballet me Bayern Munich në ndeshjen e parë gjysmëfinale të Ligës së Kampionëve.
Zgjedhja e formacionit të duhur fillestar është thelbësor për të sjellë një rezultat pozitiv nga Allianz Arena. Kjo është arsyeja pse përsëritja e formacionit që triumfoi ndaj Manchester City në fillim të këtij muaji duket lëvizja më e mençur.
Megjithatë, disa ndryshime janë në rregull:
1) Për shkak të pezullimit, Dani Carvajal do të mungojë, me Lucas Vazquez që pritet ta zëvendësojë.
2) Edhe pse Eder Militao është kthyer, fillimi i tij është ende i rrezikshëm duke pasur parasysh rikthimin e tij të fundit nga një dëmtim i ligamenteve. Ndërkohë, performanca e spikatur e Nachos në Etihad i jep atij një vend startues kundër gjermanëve.
3) Nëse është i aftë, Ferland Mendy do të kalojë në njëmbëdhjetëshen fillestare, ndërsa Eduardo Camavinga e nisë nga bankina, gati për të injektuar energji nëse nevojitet.
Ndryshe nuk priten ndryshime të tjera.
Formacioni i mundshëm i Real Madridit: Lunin, Vazquez, Rudiger, Nacho, Mendy, Tchouameni, Valverde, Kroos, Jude Bellingham, Rodrygo, Vinicius Jr. /Telegrafi/
