Kyle Walker ka kompletuar transferimin te Manchester City për një shumë të madhe prej 50 milionë funteve.
Kësisoj anglezi është bërë mbrojtësi më i shtrenjtë në histori të futbollit.
Mediat e shumta evropiane kanë publikuar edhe formacionin më të shtrenjtë në histori të futbollit.
Në portë ndodhet braziliani i transferuar këtë verë nga Benfica te Manchester City, Ederson për 34,7 milionë funte.
Mbrojtja është e gjitha nga Liga Premier me Kyle Walker në krahun e djathtë, John Stones dhe David Luiz në qendër të mbrojtjes ndërsa Luke Shaw në të majtin.
Mesfusha i takon dy transferimeve nga Real Madrid dhe dy të tjera nga Manchester United.
Angel Di Maria dhe Paul Pogba janë krahun e majtë të mesfushës, ndërsa në të djathtin James Rodriguez dhe Gareth Bale.
Sulmi i takon Gonzalo Higuainit dhe Cristiano Ronaldos. Argjentinasi kushtoi 75,3 milionë funte Juventusit që e transferoi nga Napoli, ndërsa Ronaldo 80 milionë funte kur u transferua nga Unitedit në Madrid. /Telegrafi/
