Feronikeli do ta zhvillojë sot ndeshjen e parë të rrethit të dytë eliminator në Ligën e Evropës, ku do të përballet me Slovan Bratislavën në Sllovaki.
Kampioni i Kosovës në rast të kualifikimit kundër Slovan Bratislavës do të ketë punë shumë të vështirë, pasi do të përballet me humbësin e sfidës, Dundalk – Qarabag.
Ndeshja e parë zhvillohet në Sllovaki, ndërsa pas një jave luhet takimi kthyes në stadiumin “Fadil Vokrri” në Prishtinë, aty ku pritet të zbardhet gjithçka sa i përket fatit të skuadrës së fundit kosovare që luan në garat ndërkombëtare.
Kur kanë mbetur më shumë se një orë deri në fillim të ndeshjes, trajnerët e të dyja skuadrave kanë publikuar formacionet zyrtare, me të cilat do të përballen sot.
Zekerija Ramadani ka bërë disa ndryshime në formacion, ku nga minuta e parë do të startojë Argjend Malaj. Po ashtu edhe braziliani Jean Carioca është kthyer në 11-shen startuese.
Në anën tjetër te sllovakët nuk janë në formacion dysha serbe që u paralajmërua se nuk do të luajnë. /Telegrafi/
Slovan Bratislava: Greif, Rharsalla, Ljubicic, Sporar, Abena, Rafael Ratao, Sukhotskiy, Nono, Holman, Bozhikov, Bajric.
Feronikeli: Smakiqi, Dabiqaj, Lladrovci, Hoti, Fazliu, Carioca, Malaj, Islami, Rexha, Prekazi, Hoxha.
