Portugalia dhe Maqedonia e Veriut zhvillojnë finalen e barazhit në Estadio do Dragao për një vend në Kampionatin Botëror, ‘Katar 2022’.
Në gjysmëfinalen e ‘play-offit’, ekipi i Cristiano Ronaldos e eliminoi Turqinë, ndërsa skuadra ballkanike i befasoi të gjithë duke e mposhtur kampionin e Evropës, Italinë.
Përzgjedhësit Fernando Santos dhe Blagoja Milevski i kanë bërë të gjitha përgatitjet për këtë sfidë jashtëzakonisht të rëndësishme, pasi fituesi siguron vizën për në Katar.
Formacioni startues i Portugalisë: Diogo Costa; Cancelo, Pepe, Danilo, Nuno Mendes; Bruno Fernandes, Moutinho, Otávio; Cristiano Ronaldo, Diogo Jota, Bernardo Silva.
Formacioni startues i Maqedonisë së Veriut: Dimitrievski; R.Ristovski, Musliu, Velkovski, Alioski; Elmas, Bardhi, Ademi, Trajkovski; Ristovski, Kostadinov.
/Telegrafi/
