Malisheva dhe Ferizaj kanë publikuar tashmë formacionet zyrtare për ndeshjen e vlefshme për javën e 20-të në Albi Mall Superligën e Kosovës.
Malishevasit janë nikoqir të ferizajasve në ndeshjen e fundit të xhiros së 20-të, takim që pritet të zhvillohet në stadiumin Liman Gegaj nga ora 13:00.
Ekipi i Bekim Isufit e ka nisur me humbje sezonin pranveror në Superligë, kështu që synon tri pikët e para në pjesën e dytë të edicionit 2024/25.
Në anën tjetër, Ferizaj ka marrë tri pikë në ndeshjen e parë dhe synon të vazhdojë me rezultate pozitive për t’iu ikur pozitave që rrezikojnë rënien dhe barazhin.
Trajnerët e të dyja skuadrave kanë vendosur të startojnë me formacionet më të mira të mundshme.
Malisheva: Avdyli; Pira, Kryeziu, Xhaka, Veliu; Ndjigi, Brruti; Xhylani, Limaj, Hazrollaj; Bunjaku;
Ferizaj: Jovanovski; Ilieski, Lamçe, Topalaj; Gligorov, Ramusa, Musulin, Avdulli; Sadriu, Abdul, Jusufi;
/Telegrafi/