Telegrafi

Formacionet startuese: PSG favorit ndaj Anderlechtit

Paris Saint Germaini dhe Anderlechti përballen në kuadër të xhiros së tretë të fazës grupore të Ligës së Kampionëve. Ndeshja e vlefshme për Grupin B zhvillohet në Stade Constant Vanden Stock në Bruksel.

Ekipi francez hyn në këtë ndeshje pas dy fitoreve në dy xhirot e para dhe me gjashtë pikë të arkëtuara.

Lojtarët e Unai Emeryt në takimin e parë e mposhtën Celticun me rezultat 5-0, kurse në të dytin Bayern Munichun me rezultat 3-0.

Të zgjedhurit e Hein Vanhaezebrouck do ta kenë të vështirë t’i bëjnë ballë skuadrës së fuqishme të PSG-së.

Në dy xhirot e para, Anderlechti ka pësuar dy humbje. Celticu e mposhti me rezultat 3-0, kurse Bayerni me rezultat 3-0.

Formacioni startues i Paris Saint Germainit: Areola; Dani Alves, Marquinhos, Kimpembe, Kurzawa; Verratti, Motta, Rabiot; Mbappe, Cavani, Neymar.

Formacioni startues i Anderlechtit: Sels; Dendoncker, Mbodj, Deschacht; Appiah, Kums, Trebel, Onyekuru; Gerkens, Teodorczyk, Hanni.

Takimi tjetër i Grupit B zhvillohet ndërmjet Bayern Munichut dhe Celticut. /Telegrafi/