Interi është nikoqir i Udineses në ndeshjen e javës së tretë në Serie A në përpjekje për ta marrë kreun e tabelës.
Trajnerët Antonio Conte dhe Igor Tudor i kanë përgatitur formacionet e tyre startuese për këtë ndeshje.
Nerazzurrët i kanë regjistruar dy fitore në dy ndeshjet e para, ashtu që do ta kërkojnë edhe fitoren e tretë rresht në përballjen që zhvillohet në Giuseppe Meazza.
Në dy përballjet e para të këtij edicioni, Udine ka arritur një fitore dhe një humbje.
Formacioni startues i Interit: Handanovic; Skriniar – De Vrij – Godin; Asamoah – Sensi – Brozovic – Barella – Candreva; Politano – Lukaku.
Formacioni startues i Udineses: Musso; Becao, De Maio, Opoku; Stryger-Larsen, Jajalo, Walace, Fofana, Sema; De Paul; Lasagna.
/Telegrafi/