Romelu Lukaku është favorit për të startuar në sulmin e Interit kundër Portos, me Hakan Calhanoglu, Henrikh Mkhitaryan dhe Nicolo Barella që pritet të luajnë në mesfushë për ekipin e Simone Inzaghit.
Nerazzurrët presin sonte (e mërkurë) skuadrën e Sergio Conceicao në Stadio Giuseppe Meazza në ndeshjen e parë të 1/8-tës së Ligës së Kampionëve.
Vetëm Joaquin Correa është jashtë fushës për Nerazzurrët, ndërsa Lukaku është favorit ndaj Edin Dzekos për partneritet me Lautaro Martinez në sulmin e Interit.
Ka disa dyshime të tjera për Inzaghin në mesfushë dhe mbrojtje, por Stefan de Vrij dhe Marcelo Brozovic duket se do të nisin ndeshjen nga stoli, me Francesco Acerbi që merr drejtimin në qendër të mbrojtjes.
💥 MATCHDAY
⚽ #InterPorto
🏆 @ChampionsLeague
⏰ 21:00 CET
🏟️ Stadio San Siro#ForzaInter #UCL pic.twitter.com/D7yFe2x2gD— Inter ⭐⭐ (@Inter) February 22, 2023
Ish-ylli i Serie A, Conceicao duhet të përballojë Interin pa Gabriel Veron dhe Francisco Meixedon.
Interi fitoi dy ndeshjet e fundit në shtëpi në këtë garë kundër Barcelonës dhe Viktoria Plzen. Ata kanë rekordin e dytë më të mirë në ndeshjet e Serie A këtë sezon, me 30 pikë në 12 ndeshje.
Megjithatë, kjo do të jetë vetëm ndeshja e pestë e Inzaghit si trajner në një ndeshje me eliminim direkt në Ligën e Kampionëve. Italiani ka një fitore dhe tre humbje deri më tani.
🏃➡️ #InterPorto#UCL pic.twitter.com/hIEanLz0sv
— Inter ⭐⭐ (@Inter) February 21, 2023
Formacionet e mundshme
Inter (3-5-2): Onana; Skriniar, Acerbi, Bastoni; Darmian, Barella, Calhanoglu, Mkhitaryan, Dimarco; Lukaku, Lautato Martinez;
Porto (4-4-2): Diogo Costa; Joao Mari, Pepe, Marcano, Zaidu; Franc, Grujic, Eustaquio, Galeno; Pepe, Taremi;
/Telegrafi/