Manchester Unitedi është nikoqir i Baselit në ndeshjen e parë të fazës grupore të Ligës së Kampionëve.
Djajtë e Kuq kthehen në elitën evropiane të futbollit dhe natyrisht se për tifozët në Old Trafford, ky do të jetë një moment i veçantë.
Kujtojmë që skuadra e Jose Mourinhos siguroi pjesëmarrjen në garën më të madhe evropiane për klube, pas triumfit në Ligën e Evropës.
Ekipi zviceran ku luan Taulant Xhaka do të shpresojë që t’i bëjë ballë skuadrës së përforcuar angleze.
Trajnerët Mourinho dhe Raphael Wicky kanë nxjerrë në fushë njëmbëdhjetëshat, të cilëve u besojnë më shumë për këtë takim.
Në Grupin A bëjnë gara edhe Benfica dhe CSKA Moska.
Formacioni startues i Manchester Unitedit: : De Gea; Young, Smalling, Lindelof, Blind; Matic, Pogba; Mata, Mkhitaryan, Martial; Lukaku.
Formacioni startues i Baselit: Basel: Vaclík, Lang, Zuffi, Wolfswinkel, Steffen, Suchý (C), Balanta, Elyounoussi, Riveros, Xhaka, Akanji.
/Telegrafi/