Në Indianapolis të Shteteve të Bashkuara, del në ankand një Ford Mustang që pritet të shitet nga 400 deri në 650 mijë dollarë.
Veturat e prodhuara më 1965 dhe që kanë vetëm 101 kuajfuqi, zakonisht nuk janë shumë të kërkuara, por ky model është shumë më i veçantë, transmeton Telegrafi.
Pos që është njëri nga modelet e parë të Mustang, të prodhuar ndonjëherë, ka numër serik 00002, është edhe shumë i rëndësishëm për koleksionuesit. Sipas kësaj del se është vetura e dytë e serisë së prodhuar nga Ford, por kjo nuk është arsyeja pse e ka pikërisht këtë shifër.
Në anën tjetër, vetura rreth 50-vjeçare është në gjendje të përkryer, pasi është mbajtur në një garazh me kushte të favorshme.
Pas asnjë gërvishtje apo ndryshk, është e gatshme të ndizet dhe të udhëtojë për në vende të ndryshme. /Telegrafi/
