Në Bregun Perëndimor janë rritur tensionet pasi policia izraelite arrestoi qindra besimtarë brenda xhamisë Al-Aqsa.
Një grup palestinezësh u ‘ngujuan’ brenda sallës së lutjeve Al-Qibli pasi policia izraelite filloi bastisjen në xhami.
Ata u përpoqën të pengonin hyrjen e policisë duke mbyllur dyert e saj.
Madje, ushtarët izraelitë shihen duke sulmuar besimtarët që ishin në mes të namazit të tyre.
Ndryshe, Al-Aqsa përfaqëson vendin e tretë më të shenjtë për myslimanët.
Hebrenjtë e quajnë këtë zonë Mali i Tempullit, duke thënë se ishte vendi i dy tempujve hebrenj në kohët e lashta. /Telegrafi/