Forcat ajrore ruse kanë vrarë mbi 200 pjesëtarë të organizatës terroriste të ashtuquajtur “Shteti Islamik”, të cilët po lëviznin në një kolonë drejt qytetit sirian Deri el Zor, ka bërë të ditur ministria ruse e mbrojtjes.
“Aviacioni rus ka shkatërruar edhe një konvoj tjetër të ISIS-it të cilët po udhëtonin nëpër qytetit Deir el Zor, ku janë munduar të rigrupohen”, thuhet në një komunikatë të lëshuar nga kjo ministri, transmeton Telegrafi.
Sipas tyre janë shkatërruar afro 20 vetura të mbushura me granata dhe armë të kalibrit të rëndë, por edhe tanke dhe vetura tjera të blinduara.
Ata gjithashtu kanë publikuar një video, në të cilët shihet se si janë kryer sulmet ajrore kundër militantëve të ISIS-it. /Telegrafi/
https://www.youtube.com/watch?v=e7iMWc-Nnis