Roma është rikthyer te fitoret në kampionatin italian Serie A, derisa ka mposhtur Brescian 3-0.
Giallorosët kishin pësuar humbje nga Parma javë më parë dhe me Brescian dhuruan spektakël.
Megjithatë për tu zhbllokuar skuadra u desh të pritej pjesa e dytë ku pastaj Roma shkëlqeu.
“Në pjesën e parë Brescia na vuri në vështirësi pasi mbrohej mirë, por goli i hershëm në pjesën e dytë na çliroi”, tha Fonseca.
“Jam i lumtur që futbollistët rikthyen besimin dhe morën një fitore të madhe, ndaj një kundërshtari të vështirë”, u shpreh portugezi.
Roma tani do të luaj të enjten në Ligën e Evropës në udhëtim te Istanbul Basaksehir, ku vetëm fitorja do t’i mbante në garë për të vazhduar tutje.
“Do të jetë një ndeshje shumë e rëndësishme dhe tani vëmendja jonë është tek ajo sfidë. Na duhet fitorja, pasi në të kundërtën do të rrezikonim shumë”, përfundoi Fonseca. /Telegrafi/