Kompania “FRUTEX” dhe Fondacioni humanitar “Golden Eagle”, deri me 27 prill kanë mbledhur afer 140,000 euro për ndërtimin e 7 shtëpive për familjet në nevojë.
Fushatën “Dhuro 5 centë për ndërtimin e 7 shtëpive” kompania “FRUTEX”, e konsideron shumë të suksesshme pasi që mjetet janë mbledhur një muaj më herët sesa ka qenë e planifikuar të zgjas fushata.
Me 4 shkurt të këtij viti “FRUTEX” ka nisur fushatën për mbledhjen e mjeteve për ndërtimin e shtëpive për familjet në nevojë, ku për çdo produkt të shitur të pijeve RELAX, do të ndahen nga 5 cent, dhe mjetet e mbledhura do të shkojnë në fondacionin humanitar “Golden Eagle” për ndërtimin e këtyre shtëpive.
Nga mbledhja e këtyre mjeteve, shtëpitë e katër familjeve të para tanimë janë në fazën e fundit dhe shumë shpjet pritet që këto familje të vendosen në shtëpitë e tyre.
Katër familjet e para që janë përzgjedhur nga Fondacioni, për ndërtimin e shtëpive janë: familja e Mentor Aliaj nga fshati Shtuticë i Komunës së Drenasit, Fatmir Qazimi nga fshati Cërnillë i Komunës së Ferizajit, Osman Krasniqi nga Lagja Arbanë e Prizrenit dhe Avni Qatani nga fshati Duhel i Therendës.
Shumë shpejt pritet përzgjedhja e tri familjeve, të cilave do t’iu ndërtohen shtëpitë.
Gjatë këtyre dy viteve të ekzistimit, Fondacioni “Golden Eagle” ka ndërmarrë shumë aktivitet bamirësie, duke ndarë donacione për 3 spitale, atë në Prishtinë, Prizren dhe Gjilan
Fondacioni ka ndarë bursa për 100 studentë, gjithashtu mbështest edhe institucione dhe shoqata që merren me shkollim të fëmijëve me nevoja të veçanta.
