Rritja e deficitit është shkaktuar nga rritja e deficiti tregtar, zvogëlimit të parave të dërguara nga bota e jashtme dhe goditja mbi të ardhurat nga dividenda e telekomit.
FMN-ja në vlerësimin e sivjemë për Maqedoninë shprehë brengosje edhe nga vëllimi i deficitit të llogarisë rrjedhëse prej 14 për qind të BPV-së dhe nga shpejtësia e përkeqësimit të tij.
Ngadalësimi i ekonomisë botërore mund ta përkeqësojë në mënyrë plotësuese deficitin e bilancit pagesor me zvogëlimin e eksportit, çmimeve eksportuese, zvogëlimin e parave të dërguara të diasporës dhe i kërcënohet rritjes, konsideron FMN-ja, siç transmetoi agjencia Rojters.
Sektori bankar në Maqedoni në masë të madhe evitoi efektet e krizës botërore financiare, meqë kryesisht mbështetet në depozitet vendore, e jo në linjat ndërkombëtare kreditore në financimin e huave.
Sipas FMN-së, vendi në mënyrë indirekte është i goditur nga kriza globale me zvogëlimin e eksportit, të investimeve të drejtpërdrejta, investimeve portofolio dhe parave të dërguara nga jashtë, që mund të shkaktojnë trysni plotësuese mbi bilancin pagesor.
FMN-ja u bëri thirrje autoriteteve që sërish t`i shqyrtojnë planet për rritje të mëtejshme të deficitit buxhetor në vitin 2009 dhe më tutje.
Heqja dorë nga ekspanzioni i planifikuar fiskal do të ndihmojë në reduktimin e ndjeshmërisë së jashtme në rast të tronditjes së paparaparë dhe do ta zvogëlojë ngarkesën plotësuese të politikës monetare, bën të ditur FMN-ja.
Fondi përshëndeti rritjen e shkallëve kamatore dhe masave për shkurtimin e rritjes kreditore dhe ngadalësimin e zgjerimit të jazit të llogarisë rrjedhëse.
Edhe përkundër kufizimeve në kursin, Banka Qendrore ende ka hapësirë për manovrim, konsideron FMN-ja, duke shtuar se politika monetare duhet të përqendrohet në mbrojtjen e kursit të denarit.
Sipas FMN-së, kursi fiks është përkatëse për një ekonomi të vogël si Maqedonia.
FMN-ja paralajmëroi Maqedoninë që të jetë e kujdesshme lidhur me huazimin, të heqë dorë nga borxhi i lartë i huaj dhe t`i zvogëlojë rezervat shtetërore. /Makfaks/