Por, duket se Mayweather mendon gjithashtu se Roberto Duran, Pernell Whitaker dhe Julio Cesar Chavez kanë qenë më të mirë se Ali. Sipas tij Ali është boksieri i pestë më i mirë i të gjitha kohërave.
Mayweather bëri një listë të boksierëve më të mirë të të gjitha kohërave në një intervistë tjetër për ESPN. Pasi ka vënë veten në vendin e parë, ai përmendi Duran në vendin e dytë dhe pasi është menduar gjatë për vendin e tretë, Mayweather e ka injoruar Ali edhe dy herë të tjera, para se ta vendoste në pozicionin e pestë.
Këto janë disa nga shpjegimet e tij: “Muhammad Ali u mund nga Leon Spinks, dhe Spinks kishte bërë vetëm shtatë ndeshje kur e mundi. Ai ka dyluftuar vetëm në një kategori (peshat e rënda). Ali ka humbur tre herë kundër Ken Norton”, shpjegoi boksieri .
Në të vërtetë, Mayweather ka theksuar ndikimin e madh që Ali ka pasur në botë. “Ali ka qenë më i madhi për faktin se nuk ka pasur frikë të shprehë bindjet e tij në një periudhë kur njerëzit me ngjyrë nuk dilnin dot në mbrojtje të njëri-tjetrit”, ka thënë Mayweather. /Telegrafi/
