Florian Marku shkatërron kundërshtarin – fiton duelin pas vetëm 54 sekondash

Florian Marku ka fituar me nokaut teknik ndaj Dylan Moran qysh në raundin e parë të përballjes.

Boksieri ynë shqiptar i kishte thënë irlandezit para duelit se do ta shkatërronte dhe ia doli ta mbante fjalën.

Me të nisur ndeshja, Marku u hodh me të gjitha forcat në sulm dhe ia doli ta shkatërronte Moran, dhe gjyqtari u detyrua të ndalonte luftën.

Një ndeshje e madhe me boksierin tonë që ishte tepër i frymëzuar duke vendosur kështu në kasafortë fitoren dhe rekordin e radhës.

Tashmë, Marku pret kundërshtarë edhe më të fortë për të rritur edhe më shumë emrin e tij në skenat më të rëndësishme të boksit në Angli.

Florian Marku ka kërkuar që të përballet pas ndeshjes me Josh Taylor, Conor Benn dhe Kell Brook. Telegrafi/