Florentino Perez ka folur pas një kohe rreth largimit të sulmuesit, Cristiano Ronaldos.
Ky i fundit gjatë vitit të kaluar u transferua te skuadra e Juventusit, ku pati një sezon të mirë duke fituar trofeun e Serie A.
Presidenti i Real Madridit ka pohuar se portugezi kishte nevojë për një aventurë të re dhe këtë rast ia ofroi klubi italian.
“Ai ishte i bindur se sfidat e reja i kishte përpara dhe këtë e shfrytëzoi. Zërat për taksa nuk korrespondojnë me realitetin. Ai donte një ndryshim dhe të përmirësonte kontratën. Këtë ia arriti ta bënte me Juventusin dhe ky ishte një rezultat i mirë për të gjithë”, tha Perez.
Real Madrid nuk po kërkon një zëvendësues të Cristianos, tha presidenti “Është e vështirë, por kemi pasur lojtarë shumë të mirë si Bale, Asensio, Vinicius… Nuk mendoj se ishte problemi i sezonit të kaluar”.
Ndryshe, Ronaldo u raportua se ishte i pakënaqur me të parin e madrilenëve dhe se ai e kishte shfrytëzuar si makinë e parave. /Telegrafi/