Mbrojtësi i Përfaqësueses së Kosovës, Florent Hadergjonaj ka shfrytëzuar rrjetet sociale për të folur për pozitën e tij në ekipin e Dardanëve.
Kosova do t’i zhvillojë dy ndeshje shumë të rëndësishme kualifikuese për Euro 2020 gjatë këtij muaji.
Dardanët të shtunën e presin Çekinë në stadiumin Fadil Vokrri, ndërsa me datë 10 shtator udhëtojnë te Anglia në St’Marys.
Bernard Challandes ka kryer të gjitha përgatitjet për këtë ndeshje, por mund të ketë rotacion të pozitave tek disa lojtarë shkaku i mungesave të mëdha.
Njëri nga lojtarët që mund të ndërroj pozitën është mbrojtësi i Huddersfieldit, Hadergjonaj.
Megjithatë, ai ka shfrytëzuar profilin e tij në Facebook për të treguar se për Kosovën mund të luaj secilën pozitë.
“I djathtë, i majtë, mesfushor, sulmues apo portier. Për Kosovën luaj kudo që të është nevoja”, ka shkruar Hadergjonaj. /Telegrafi/
