Flamurtari ka marrë një fitore të madhe në shtëpi përballë Dukagjinit të Klinës me rezultat 4-3.
Vetëm pas gjashtë minutash lojë vendasit kaluan në epërsi kur realizoi një gol të bukur Bashkim Shala.
Mysafirët barazuan gjithçka në minutën e 26-të kur barazoi Abu Kamara për 1-1, ku me rezultat të barabartë u mbyll pjesa e parë.
Pjesa e dytë nisi furishëm për Flamurtarin që shënoi dy gola të shpejtë, fillimisht me Adem Maliqin për 2-1 dhe pas dy minutave Altin Lloga shënoi për 3-1.
Kur kaluan një orë lojë, Bashkim Shala shënoi golin e dytë personal në këtë sfidë dhe të katërtin për Flamurtarin.
Mirëpo Dukagjini u rikthye në lojë dhe shënuan dy gola të shpejtë me Jeton Dushin dhe Abu Kamaran për 4-3.
Gjithsesi deri në fund të ndeshjes më nuk pati gola edhe pse mysafirët tentuan të barazonin rezultatin.
Kjo fitore e ngrit Flamurtarin në tabelë, pasi tani zë pozitën e gjashtë me 40 pikë, ndërsa Dukagjini mbetet e fundit me vetëm 10 pikë.
Në javën e ardhshme Flamurtarin e pret një ndeshje shumë e vështirë pasi luan duelin direkt në udhëtim me Llapin, në anën tjetër Dukagjini pret Trepçën ’89. /Telegrafi/