Agjencia Kombëtare e Zonave të Mbrojtura (AdZM) ka shpërndarë foto të shpendëve të rrallë që kanë populluar lagunën e Vainit gjatë bregdetit Adriatik në qarkun e Lezhës, një vend i preferuar nga të apasionuarit e shpendëve dhe natyrës.
Sipas agjencisë, ka pasur një rritje të numrit të shpendëve në lagunë, duke përfshirë Flamingot që ngjallin gjithmonë kureshtjen e vizitorëve.
“Kjo në sajë të qetësisë që kanë gjetur dhe punës që bëjnë rangersat dhe specialistët e AdZM Lezhë. Rritja e numrit të shpendëvenë lagunë është treguesi më i mirë i shpërblimit të natyrës për qetësinë e shtuar në zonë”, ka shtuar AdZM.
Agjencia sqaron se Flamingot dhe Bajza janë dy specie që kanë numrin më të lartë të shpendëve në lagunën e Vainit. /Telegrafi/
