Cristiano Ronaldo është kurorëzuar mbrëmë me titullin e lojtarit të vitit të në Serie A.
Ylli portugez ishte pritur që të shkonte në ceremoninë e Topit të Artë që u mbajt në Paris, mirëpo vendosi që të shkonte në Milano në Gran Gala del Calcio.
34-vjeçari e shijoi suksesin debutues te Zonja e Vjetër qysh nga sezoni i kaluar, duke shënuar 21 gola në ligën italiane.
👏 The best player in Serie A! 🥇
Congratulations, @Cristiano! 🔥 #GranGalàdelCalcio pic.twitter.com/jZhb75i3ka
— JuventusFC 🇬🇧🇺🇸 (@juventusfcen) December 2, 2019
“Do të mundohem të flas në italisht. Jam i lumtur që të zgjidhem sulmuesi më i mirë në Itali”, ka thënë Ronaldo.
“I falënderoj bashkëlojtarët, lojtarët që votuan për mua. Pas dy vitesh në Itali, mund të them se është një ligë e vështirë”.
“I falënderoj të gjithë që votuan për mua dhe shpresoj që e njëjta gjë të ndodhë edhe në vitin e ardhshëm”, ka shtuar më tej portugezi.
Numri 7 u zgjodh sulmuesi më i mirë në Itali, derisa në garë ishin sulmuesi i Atalantas, Duvan Zapata dhe ai i Sampdorias, Fabio Quagliarella. /Telegrafi/