I nominuari për president të SHBA-së, Joe Biden, hodhi dyshime gjatë debatit të së martës në mbrëmje nëse presidenti Donald Trump do të publikonte ndonjëherë pagesat e taksave të tij.
“Do t’i shihni”, tha Trump në mënyrë të përsëritur ndërsa moderatori Chris Wallace e shtyu atë të jepte një afat.
Dhe Biden ndërhyri duke thënë: “Kur? Inshallah?”.
Sipas Al Jazeera, përcjell Telegrafi, ndërsa fraza në gjuhën arabe përkthehet në “Dashtë Zoti”, ajo gjithashtu ka konotacione bisedore të një “premtimi të paqartë”.
Biden dropped an "Inshallah" at the debate. pic.twitter.com/DLrGWR3eGb
— Waleed Shahid 🪬 (@_waleedshahid) September 30, 2020
Dhe përdoruesit e mediave sociale ishin të shpejtë për të reaguar me humor në thënien e Biden “inshallah”, me shumë përdorues të Twitter duke postuar reagimet e tyre menjëherë.
a historic moment in America — inshallah in a presidential debate
— Hamed Aleaziz (@Haleaziz) September 30, 2020
Ndryshe, Biden më herët ka publikuar taksat e tij të të ardhurave personale, të cilat tregojnë se ish-nënpresidenti dhe gruaja e tij Jill Biden paguan rreth 30 për qind të të ardhurave personale të tyre bruto prej 985,000 dollarë.
If my parents had told me when I was growing up that a major presidential candidate would one day say the words "inshallah" in a nationally televised debate, I would have assumed they were crazy. But anything is possible in 2020.
— Shadi Hamid (@shadihamid) September 30, 2020
Nga ana tjetër, Trump ka refuzuar të tregojë vullnetarisht deklaratat e tij të taksave mbi të ardhurat – një zakon presidencial që shtrihet me dekada.
Ndërkohë, të hënën, New York Times raportoi se Trump nuk paguante asnjë taksë federale mbi të ardhurat në 10 nga 15 vitet e fundit.
Mediumi prestigjioz tha se ish-biznesmeni pagoi vetëm 750 dollarë në 2016 dhe 750 dollarë në vitin 2017, vitin kur ai mori detyrën.
Trump e kundërshtoi raportin gjatë debatit të martën mbrëma, duke thënë se ai “ka paguar miliona dollarë taksa, miliona dollarë taksë mbi të ardhurat”. /Telegrafi/