Policia Greke në veri të vendit ka goditur një grup kriminal që shiste foshnje, duke thënë se ishte një nga grupet më të organizuar në Evropë.
Sipas mediave të huaja, përcjell Telegrafi, Policia ka thënë se bëhet fjalë për 12 persona të cilët tanimë janë burgosur dhe për 66 të tjerë, të akuzuar.
Shefi i Krimeve të Policisë në Selanik, Antonis Cicis, tha se ky besohej të ishte një nga grupet “më të mëdha dhe më të organizuara” në Evropë.
Sipas tij, policia ka gjurmuar të paktën 22 raste të shitjeve të bebeve dhe 10 raste të pagesave të nënave surrogate ndërmjet 2016 dhe 2019.
Cicis deklaron se ky grup kriminal ka “fituar” të paktën gjysmë milioni euro.
Grupi kriminal dyshohet se drejtohej nga një avokat grek dhe obstetër. Ata rekrutuan gra shtatzëna të varfra në Bullgari dhe u paguan atyre deri në 5,000 euro për t’i shitur foshnjat e tyre në çifte greke pa fëmijë. /Telegrafi/