Roma ndeshjen e fundit në Serie A për sezonin 2016/17 e fitoi ndaj Genoas me rezultat 3-2.
Vendasit ishin dukshëm më të mirë, dhanë maksimumin pasi i nevojitej për t’u kualifikuar direkt në grupet e Ligës së Kampionëve, por edhe për t’i dhënë Francesco Tottit një lamtumirë të merituar.
Stadio Olimpico ishte i mbushur në maksimum dhe e gjitha kjo ishte për legjendarin Totti, i cili është idhulli i çdo tifozi të klubit romak.
Por, ndeshja nuk filloi aspak mirë për skuadrën e Luciano Spallettit pasi në minutën e tretë shënoi 16-vjeçari Pietro Pellegri. Dhe me këtë rast sulmuesi i Genoas u bë golashënuesi më i ri në histori të Serie A.
Gjithsesi pas shtatë minutash shënoi Edin Dzeko, ky ishte goli i 29 kampional i boshnjakut dhe këtë më herët nuk e kishte arritur asnjë lojtar i Romës.
Vendasit provuan me anë të Stephan El Shaarawyt dhe Dzekos, por dyshja nuk arritën të tundin rrjetën kundërshtare dhe me rezultatin 1-1 përfunduan 45 minutat e parë.
Në minutën e 74 shënoi Daniele De Rossi duke kaluar Romën në epërsi dhe duke i treguar të gjithëve se është pasardhësi ideal i Tottit të madh.
Por, pas pesë minutash mysafirët shënuan me anë të Darko Lazovic dhe për një moment prishi festën në Olimpico.
Në sken doli Diego Perotti, i cili në minutat shtesë i shënoi ish-skuadrës, por pasi ky gol ishte i rëndësishëm ai nuk ngurrojë ta fesojë.
Pas kësaj fitore Roma vazhdon në vendin e dytë 87 pikë, një më shumë Napoli dhe kështu grupet e Ligës së Kampionëve do t’i shijon pa pasur nevojë ndeshjet kualifikuese.
Genoa e mbylli sezonin në pozitën e 16 me 36 pikë, gjashtë larg zonsë që dërgon në Serie B. /Telegrafi/