Drenica mposhti Dritën me rezultat minimal prej 1-0. Golin e fitores në këtë takim për drenicasit e shënoi Hysen Tahiri (42’).
Me këtë fitore, Drenica arrin në kuotën e 13 pikëve që e ngrit në pozitën e shtatë në tabelë, me pikë të njëjta me Dritën, por me golaverazh më të mirë, shkruan Koha.net.
Në takimin tjetër, Istogu ka “shkatërruar” Vushtrrinë duke e mposhtur me rezultat të thellë prej 4-0.
Dy gola në këtë takim për Istogun i shënoi Mensur Duraku, ndërsa dy golat e tjerë u shënuan nga Fatlum Gashi dhe Besnik Morina.
Me këtë fitore Istogu vazhdon të mbetet në vendin e fundit në tabelë me tetë pikë të mbledhura në 11 ndeshje.