Agjencia “Fitch Ratings” ka rritur rejtingun kreditor të Maqedonië nga BB në BB+, që sipas Ministrit të Financave, Dragan Tevdovski paraqet rritjen e parë pas 13 vitesh duke pranuar kështu rezutaltet e punës së bërë.
Tevdovski tha se rejtingu kreditor i një vendi tregon shkallën e rrezikut të investimeve, si një nga indikatorët kyc që marrin parasysh investitorët gjatë vendimit për të investuar kapitalin e tyre.
“Natyrisht, kjo do të ketë një ndikim pozitiv tek investitorët që do të marrin vendime për të investuar këtu për të hapur biznese, do të ketë ndikim në rritjen e eksporteve, hapjen e vendeve të punës ,për ngritjen e pagave, për të rritur standardin ekonomik kryesisht për qytetarët dhe për të pasur një rritje më të madhe ekonomike. Gjithashtu rritja e rejtingut kreditor do të ndikojë në reduktimin e kostove të borxhit të shtetit”, deklaroi Dragan Tevdovski.
Në raportin e agjencisë “Fiç” theksohet se standardet e përmirësuara të qeverisjes mbështesin zbatimin e reformave dhe rrisin besimin se vendi nuk do të kthehet në krizën politike mes viteve 2014 dhe 2017.
Këshilltari i ministrit të financave, Rilind Kabashi tha ndërkohë se Agjencia “Fiç” projektime të ngjashme me ato të Ministrisë së Financave edhe sa i përket rritjes ekonomike dhe çështjeve tjera përfshirë edhe borxhit shtetëror.