Firmino ishte afër ta bënte asistimin e vitit, por Neymar godet vetëm shtyllën në ndeshjen ndaj Kolumbisë në Copa America

Roberto Firmino ishte gati të regjistronte një asistim të pabesueshëm gjatë fitores së Brazilit ndaj Kolumbisë në Copa America, por Neymar ishte i pafat duke goditur shtyllën pasi dribloi për mrekulli portierin kundërshtar.

Kombëtarja e Brazilit ka fituar me vështirësi 2-1 ndaj Kolumbisë në kuadër të fazës së grupeve në Copa America.

Golat në këtë ndeshje u shënuan nga Roberto Firmino (78’) dhe Casemiro (90+) për Brazilin, ndërsa për Kolumbinë shënoi Luis Diaz (10’).

Lexo po ashtu Goli i Luis Diaz ndaj Brazilit në stilin ‘biçikletë’ po çmend të gjithë

Lojtarët më të mirë të Brazilit padyshim se ishin Neymar dhe Firmino, i cili ishte një zëvendësues dhe u inkuadruar në pjesën e dytë në fitoren dramatike.

Dyshja e lartpërmendur ishte afër të krijonte njërin nga golat më të bukur të vitit, por fati nuk ishte në anën e tyre.

Ylli i Liverpoolit mori një top në afërsi të zonës dhe me një pasim brilante me thembër e gjeti Neymarin e vetëm me portier, por sulmuesi i PSG-së e goditi shtyllën edhe pasi e dribloi portierin.

Tifozët në rrjetet sociale e pëlqyen pasimin e Firminos për Neymar dhe lavdëruan të dy lojtarët që dhurojnë shpeshherë shou gjatë ndeshjeve. /Telegrafi/