Kamerat e sigurisë të vendosura brenda një ashensori kanë kapur momentin kur një i ri i nuhat dhe “shijon” flokët e një vajze, duke pretenduar kinse ajo kishte merimangë në kokë dhe po mundohej t’ia largonte.
23-vjeçari i identifikuar nga mediat tajvaneze si Zhong, filloi t’ia prekë flokët vajzës që ishte tmerruar nga frika derisa po qëndronin bashkë në ashensorin e një blloku të apartamenteve në qytetin Yunlin, transmeton Telegrafi.
Ai vazhdimisht i thoshte vajzës se është duke i ndihmuar t’ia largojë merimangën që i ishte ngjitur në flokë, por ai në fakt i kaloi dy minuta duke ia nuhatur e kafshuar flokët, kurse vajza e gjorë po qëndronte si e paralizuar nga frika.
Por në momentin që u hapën dyert e ashensorit, vajza iku me vrap dhe i tregoi rastin të dashurit që e raportoi tek pjesëtarët e sigurimit të ndërtesës.
Ata menjëherë i telefonuan policisë, kurse Zhong është arrestuar në apartamentin e tij në po të njëjtën ndërtesë ku edhe janë filmuar në ashensor së bashku. Raportohet se kjo nuk ishte hera e parë që ky i ri kishte ngacmuar në formën e njëjtë vajza tjera.
“E dashura ime u takua në ashensor me një pervers. Ai ishte munduar ta gënjej kinse ka në flokë një merimangë, por në video mund ta shihni se çfarë në të vërtetë ka ndodhur”, ka deklaruar i dashuri i vajzës. /Telegrafi/
