Ky është momenti kur një studente ruse e fakultetit të edukimit pajtohet që të bëjë striptiz, vetëm dhe vetëm që të fitojë një iPhone X.
Studentja 19-vjeçe është përjashtuar nga fakulteti pasi mori pjesë në një “lojë” në të cilën u mashtrua, kinse çmimi kryesor ishte modeli më i ri i telefonit të mençur iPhone X. Por, në fakt ajo mori një telefon më të lirë i cili ishte marrë nga çanta e dikujt tjetër, transmeton Telegrafi.
Në videon e publikuar më poshtë, shfaqet adoleshentja e njohur si Jevgenia S, duke mbuluar gjoksin në qytetin Troitsk në Rusi.
Ajo është përjashtuar nga fakulteti pedagogjik, pasi profesorët panë videon e publikuar në internet. Besohet se ajo kishte marrë pjesë në lojë, vetëm kur i kishte parë që të njëjtën gjë e kishin bërë edhe meshkujt.
Studentja është filmuar nga klientët që ishin në kafiterinë ku ka ndodhur striptizi, kurse në të shihet organizatori i lojës i cili e thirr Jevgenen që të zhvishet. Ai në një moment e përqafon me qëllim që të tjerët të mos mund t’ia shohin pjesët intime të trupit.
Nëna e saj, Elena, kryen disa punë për t’i paguar shkollimin bijës së saj. Ajo ka deklaruar se si vajza e saj është e rritur dhe mjaft e pjekur për të marrë vendime, por nganjëherë “bën diçka që të tjerët i kërkojnë”.
“Ajo nuk i ka 15 vjet, duhet të mendoj mirë para se të ndërmarrë ndonjë veprim për të cilin më vonë do të pendohet”, ka shtuar Elena. /Telegrafi/
