Pas suksesit të pjesës së parë, shfaqjes në kinema në vende të ndryshme dhe numrit të madh të shikuesve, filmi ‘Zonjusha’ tashmë do të vijë edhe me pjesën e dytë.
A&G Production, ka njoftuar se pas suksesit të filmit Zonjusha, të regjisorit Genc Berisha, ka angazhuar skenaristët Besart Sllamniku dhe Lulzim Bucolli, për të shkruar skenarin për vazhdimin e pjesës së dytë të filmit.
Produksioni njofton se titulli ende nuk është caktuar, sepse varet nga tregimi dhe tema që do të trajtojë filmi, e që sillet rreth një diamanti.
Armend Baloku, Besart Sllamniku, Muhamed Arifi, Ylber Bardhi etj, do të jenë aktorët që do të luajnë edhe në pjesën e dytë, derisa do të ketë edhe aktorë tjerë të ri dhe aktor mysafir special.
Producent do të jenë sërish Besart Sllamniku dhe Genc Berisha dhe do të jetë nën regjinë e po të njëjtit regjisor.
Filmi Zonjusha pas rrugëtimit nëpër kino të disa qyteteve dhe transmetimit në TV, së fundmi është lansuar edhe ne platformën vendore online GjirafaVideo.
https://agproduction.gjirafa.com/?video=zonjusha-film-artistik
/Telegrafi/