Filmi i ri i Jennifer Lopez është produksioni më i fundit i Hollywood i prekur nga COVID-19.
Xhirimet jashtë shtetit të filmit “The Mother” janë ndërprerë përkohësisht për shkak të rasteve pozitive të coronavirusit të lidhura me ekipin e prodhimit, ka konfirmuar People.
Pjesa më e madhe e projektit është xhiruar në Kanada, ku Lopez, 52 vjeç, po xhironte skena para vitit të ri.
Filmi, që ishte planifikuar të mbante premierën në vitin 2022, është i përqendruar rreth një vrasëse që del nga fshehja për të mbrojtur vajzën e saj ndërsa u shmanget sulmuesve të rrezikshëm.
Në trailer vdekjeprurës luajnë gjithashtu Joseph Fiennes, Gael Garcia Bernal dhe Omari Hardwick, për Variety .
Megjithë këtë pengesë të përkohshme, filmi tjetër I ri i Lopez, “Marry Me”, do të shfaqet më 11 shkurt.
“The Mother” është një nga projektet e shumta të detyruara të ndërpresin prodhimin mes rritjes së fundit të rasteve me COVID-19.
Disa shfaqje televizive – duke përfshirë Grey’s Anatomy, NCIS, NCIS: Los Angeles dhe Chicago Fire – thuhet se e kanë pezulluar prodhimin ndërsa varianti omicron vazhdon të përhapet.
Pasiguritë rreth rritjes së fundit të COVID-19 kanë bërë gjithashtu që Akademia e Regjistrimit dhe CBS të shtyjnë ndarjen e çmimeve Grammy 2022, e cila fillimisht ishte planifikuar të transmetohej në fund të janarit. Një datë e re për ngjarjen vjetore ende nuk është caktuar.
Javën e kaluar, Qendrat Amerikane për Kontrollin dhe Parandalimin e Sëmundjeve rekomanduan vaksina përforcuese për COVID-19 për të gjithë moshat 12 vjeç e lart. (Aktualisht, vaksina Pfizer-BioNTech është e vetmja e autorizuar.) /Telegrafi/