Filmi debutues i Norika Sefës, “Në kërkim të Venerës” është shpërblyer me çmimin special të Jurisë (Special Jury Award) gjatë ceremonisë së shpërndarjes së çmimeve të Festivalit të Roterdamit.
Kjo është bërë e ditur përmes një postimi në rrjetin social Facebook, nga faqja zyrtare e Qendrës Kinematografike të Kosovës.
“Në kërkim të Venerës” me producent Besnik Krapin është bashkëprodhim në mes të Kosovës dhe Maqedonisë së Veriut i prodhuar nga Circle Pruduction dhe me bashkëproducent Igor Popovskin dhe Gazmend Nelën.
SUKSESI I MADH I RADHËS PËR KINEMATOGRAFINË KOSOVARE – ‘NË KËRKIM TË VENERËS’ NGA NORIKA SEFA FITON ÇMIMIN
SPECIAL TË…Posted by Qendra Kinematografike e Kosoves on Sunday, February 7, 2021
Në film luajnë aktorë si: Kosovare Krasniqi, Rozafa Çelaj, Erjona Kakeli, Basri Lushtaku, Bleon Monolli, Fatushe Nushi, Ajan Zharku, Ermal Bilalli, Tristan Halilaj, Shend Miftari, Anisa Ismajli, Sheqerie Buqaj dhe jo vetëm.
Po ashtu kjo prodhimtari u realizua edhe me ndihmën e drejtorit të fotografisë – Luis Armando Arteaga, montazhë – Stefan Stabenow, skenografi – Arben Shala, zërim – Risto Alchinov, kostumografi – Desantila Lika, dhe grim – Lidona Berisha.
Filmi gjithashtu është mbështetur edhe nga Komuna e Kaçanikut dhe Komuna e Prishtinës. /Telegrafi/
