Pas një pushimi prej rreth tre muajsh, “Revolucioni laraman” sërish u aktivizua me tubimin e sotëm të pasdites për përkrahje të punës së Prokurorisë speciale publike, transmeton Telegrafi Maqedoni.
Para Kuvendit të Republikës ë Maqedonisë kanë filluar të mblidhen qytetarë të cilët vijnë ti japin përkrahje prokurores speciale Katica Janeva, siç thonë në luftën kundër krimit dhe pengesave që i bën pushteti.
Në ndërkohë mund të shihen edhe aktivistët e “Revolucionit laraman” duke u përgatitur për “ngjyrosjen” e ndërtesës së Kuvendit./Telegrafi/
6:00 Demonstruesit kanë filluar ta ngjyrosin rrugën para Kuvendit në përkrahje të prokurores speciale Katica Janeva dhe të PSP.
6:20
Protestuesit në rrugën para Kuvendit të Maqedonisë kanë shkruar parullën „Gjykata themelore publike, Penale dhe Kushtetuese, koha juaj ka skaduar“, me porosi se rruga deri te drejtësia është e vetme, respektivisht PSP.
Fundin e protestës së sotme në përkrahje të SPS dhe Katica Janeva, protestuesit e kanë shënuar me ndezje të flakadanëve.
