Katërmbëdhjetë persona kanë dalë në gjyq në Paris për përfshirjen e tyre të dyshuar në një seri sulmesh vdekjeprurëse terroriste në qytet, të cilat filluan në zyrat e revistës satirike franceze, “Charlie Hebdo” dhe përfunduan dy ditë më vonë në një supermarket.
Të dyshuarit akuzohen se kanë siguruar mbështetje logjistike për autorët e krimit – vëllezërit Said dhe Cherif Kouachi dhe bashkëpunëtorin e tyre, Amedy Coulibaly – dhe përballen me akuza për pjesëmarrje në një shoqatë kriminale terroriste, raporton CNN.
Richard Malka : "Je vais rentrer dans cette salle d’audience mais je ne sais pas en quelle qualité. Avocat, ami, compagnon de route, témoin et acteur, parmi d’autres, de cette histoire pour avoir défendu la publication des caricatures, le mobile du crime."https://t.co/7JdQ8i1kv4
— Charlie Hebdo (@Charlie_Hebdo_) September 2, 2020
Nëse dënohen, disa nga të pandehurit përballen me dënime deri në 20 vjet burg, transmeton Telegrafi.
Të paktën një përballet me një dënim të mundshëm të përjetshëm. Njëmbëdhjetë nga të dyshuarit do të paraqiten në gjykatë – 10 prej tyre do të qëndrojnë pas xhamave anti-plumb.
Tre të tjerët, të cilët udhëtuan në Siri në ditët para fillimit të sulmeve, do të gjykohen në mungesë.
Hayat Boumedienne, gruaja e Amedy Coulibaly, është një nga ata që gjykohen në mungesë. /Telegrafi/