Nga sot e deri më 26 tetor, në Maqedoni mbahet Edicioni i 4-të i festivalit të filmit për të rinj ”Giffoni Macedonia”, ku garojnë pesëmbëdhjetë filma, përcjell Telegrafi Maqedoni.
Këto filma janë të kategorizuar në filma për juniorë, kadetë dhe për të rritur. Aktiviteti mbështetet nga Agjencia për film dhe ”Giffoni Experience” nga Italia.
Filmat pjesëmarrës vijnë nga Italia, Gjermania, Rusia, Suedia, Danimarka, Spanja, Brazili dhe Nepali, filma që kanë marrë pjesë në festivale të njohura ndërkombëtare, si edhe në festivale që u kushtohen të rinjve.
Juria ndërkombëtare e festivalit përbëhet nga rreth 550 fëmijë dhe të rritur, të ndarë në tre gategori moshash. Përveç nga Maqedonia, juria do të ketë edhe 50 të rinj nga Italia, Kroacia, Serbia, Rumania, Gjeorgjia, Azerbejxhani, SHBA-të, Britania e madhe dhe Shqipëria./Telegrafi/