Me të filluar muaji korrik, filluan edhe korrje-shirjet.
7 Ditë me Panxhën i ka kushtuar një storie bereqetit të tokave të Kosovës, të cilat po grumbullohen në fabrikën me traditë të prodhimit, M&Sillosi.
Rreth 15 mijë bujq vendor, punojnë tokat e tyre anë e mbanë Kosovës, vetëm për të sjellë grurë të kualitiv të lartë në mullirin e M&Sillos.
Vetëm gjatë vitit të kaluar M&Sillosi ka bluar rreth 110 mijë ton grurë, nga të cilat janë prodhuar llojet e ndryshme të miellit.
Derisa këtë vit pritet të tejkalohet kjo shifër, megjithëse përfundimisht varet edhe nga ajo sa do të mund të grumbullohet grurë vendor dhe sa do të importohet.
Sipas raportit të korrje shirjeve të vitit 2021, vitin e kaluar, Kosova ka prodhuar rreth 274 mijë ton grurë.
Për fermerin Miftar Lahaj, këtë vit është hera e parë që po e dërgon grurin e tij në mullirin e M&Sillosit. Në një prononcim, Lahaj u shpreh shumë i kënaqur me kushtet e bashkëpunimit rreth dhënies së grurit që ishte mbjellë në rreth 63 hektarë tokë.
