Senatori republikan David Perdue thuhet se u filmua duke marrë një telefon celular nga një student i kolegjit, i cili e pyeti atë rreth “presionit” ndaj votuesve në Georgia.
Sipas mediave të huaja, përcjell Telegrafi, videoja e incidentit ishte realizuar derisa Perdue ishte në një kampus universitar për të promovuar sekretarin e shtetit të Georgias, Brian Kemp për guvernator.
Kemp po kandidon kundër kandidatit demokrat Stacey Abrams dhe ai tërhoqi kritika javën e kaluar pasi mediat kishin raportuar se zyra e tij kishte “ngrirë” 53,000 regjistrime të votuesve përpara zgjedhjeve të nëntorit.
Siç thuhet më tej, më shumë se 70% e regjistrimeve të “ngrira” ishin të lidhura me afrikano-amerikanët.
Po sipas mediave, studenti i afrohet senatorit Perdue, duke e pyetur: “Si mund të promovoni një kandidat…”, pyetje të cilën senatori ia ka lënë në gjysmë, duke i rrëmbyer celularin.
Gjithsesi, bëhet e ditur se më vonë Perdue i ka kthyer telefonin studentit. /Telegrafi/
Today @sendavidperdue visited Tech to campaign for Kemp. A student tried asking a simple question about @BrianKempGA ‘s racist scheme to threaten voter registrations from black people, but before he could even finish the question, Perdue stole his phone. pic.twitter.com/K0iffU57Di
— YDSA Georgia Tech (@YDSAGT) October 13, 2018