Fillimi i vitit të ri shkollor, Nagavci: Mbi 90% e mësimdhënësve janë vaksinuar
Meridiana Statovci
Foto: Arkiv
27 shtatori është data zyrtare për fillimin e vitit të ri shkollor, e në prag të këtij fillimi, ministrja e Arsimit, Shkencës dhe Teknologjisë Arbërie Nagavci është deklaruar se ky vit do të jetë sfidues për prindërit, nxënësit e edhe për punëtorët e arsimit.
“Përkundër progresit në vaksinimin e popullsisë, e në veçanti të punonjësve të arsimit, ky vit shkollor mund të jetë shumë sfidues. Prandaj është e domosdoshme të respektohen masat mbrojtëse të rekomanduara nga profesionistët shëndetësor”, deklaroi Nagavci.
Nagavci tutje shtoi, se po thuajse të gjithë mësimdhënësit dhe stafi teknik i shkollave është i vaksinuar, e shumica e tyre edhe me dozën e dytë të vaksinës.
“Mbi 90% e mësimdhënësve dhe stafit tjetër që punon në shkolla janë vaksinuar. Më shumë se 65% prej tyre me të dy dozat”, përfundoi ajo.
Postimi i plotë:
Nesër fillon viti i ri shkollor.
Gjatë gjithë kësaj kohe, kam vizituar shumë shkolla dhe kam qenë në kontakt të vazhdueshëm me drejtues shkollash, mësues e prindër. Ndonëse situata me pandeminë na ka sjellë në një gjendje të vështirë e me shumë sfida, janë bërë përgatitjet e duhura për të filluar vitin e ri shkollor.
Mbi 90% e mësimdhënësve dhe stafit tjetër që punon në shkolla janë vaksinuar. Më shumë se 65% prej tyre me të dy dozat.
Përkundër progresit në vaksinimin e popullsisë, e në veçanti të punonjësve të arsimit, ky vit shkollor mund të jetë shumë sfidues. Prandaj është e domosdoshme të respektohen masat mbrojtëse të rekomanduara nga profesionistët shëndetësor.
Kjo është mënyra më e mirë për të vënë pandeminë nën kontroll, duke i kontribuar mbarëvajtjes së procesit mësimor dhe ruajtjes së shëndetit publik.
Mësuesit e drejtuesit e shkollave kanë shumë punë e përgjegjësi, por jam e bindur se angazhimi dhe kujdesi i tyre nuk do të mungojë. Vaksinimi, respektimi i masave si dhe bashkëpunimi në të gjitha nivelet përfshirë edhe prindërit, do të na mundësojë një vit të suksesshëm shkollor.
