Mbrojtësi brazilian, Filipe Luis , do t’i japë lamtumirën Atletico Madridit gjatë verës së ardhshme.
Për 33-vjeçarin, të cilit i skadon kontrata në fund të sezonit, nuk do të ketë rinovim, pasi klubi po vlerëson opsione të tjera, ndërsa e ardhmja e tij pritet të jetë në Brazil – transmeton KP.
Flamengo e dëshiron mbrojtësin me insistim dhe ka nisur bisedimet me agjentin e brazilianit, për të cilin u përfol edhe për një kalim te Barcelona, por nuk pati asnjë kontakt.
Ndërkaq, pasuesi i tij në krahun e majtë të mbrojtjes do të jetë një tjetër brazilian, Alex Telles i Portos.
Për Telles, Atletico Madridi do të paguajë 30 milionë euro skuadrës portugeze.