Ministri i Shëndetësisë Venko Filipçe, sot në konferencë për shtyp tha se nuk ka raste të reja të konfirmuara me coronavirus.
Ai njoftoi se po testohet vetëm një paciente, tek e cila ka pasur simptoma të lehta, përcjell Telegrafi Maqedoni.
“Për momentin vetëm shtatë persona janë të shtruar në spital. Gjashtë prej tyre janë në gjendje stabile, ndërsa pacientja e parë është e shëruar. Sot do t’i bëhen testet kontrolluese dhe më tej do të vendoset për të. Nuk ka raste tjera të konfirmuara, ndërsa po testohet vetëm një paciente, rezultatet e së cilës do të publikohen pas disa orëve”, tha Filipçe.
Ai njoftoi se i kanë propozuar qeverisë ndërprerjen e procesit mësimor për 14 ditët e ardhshme, po ashtu edhe punëtorët të lirohen nga puna.
“Personat që nuk do t’i respektojnë rekomandimet, do të dënohet në bazë të Kodit Penal”, tha Filipçe.
Ai shtoi se edhe zyrtarët qeveritarë do t’i anulojnë të gjitha aktivitetet zyrtare për ditët e ardhshme./Telegrafi/