Shumë tifozë janë duke debatuar në rrjetet sociale se kujt i takon epiteti i më të mirit në histori të futbollit, pas triumfit të Lionel Messit në Kampionatin Botëror.
Derisa koha e rregullt dhe vazhdimet në duelin mes Argjentinës dhe Francës përfundoi 3-3, në penallti, ishin argjentinasit që triumfuan 4-2, për t’u kurorëzuar kampion.
Me të përfunduar ndeshja, shumëkush e ka konsideruar Messin si G.O.A.T, (më i mirë i të gjitha kohërave), por ka edhe prej atyre që nuk pajtohen.
Mirëpo, FIFA nxitoi në këtë debat, duke ia vënë pikën dhe sipas tyre, shtatë herë fituesi i Topit të Artë ka vulosur këtë pyetje, duke u konfirmuar si më i miri i të gjitha kohërave (Greatest Of All Time).
Postimi i shtëpisë së futbollit botëror u bë menjëherë viral në rrejtet sociale, duke e marrë si të kryer këtë epitet që i është vendosur anëtarit të Paris Saint-Germainin.
Por, nëse kërkoni në Twitter, mund të shikoni se postimi i tyre është fshirë dhe Messi nuk mund ta ketë zyrtarisht epitetin e më të mirit të të gjitha kohërave.
Tifozët mund të komentojnë se kut i takon epiteti G.O.A.T në hapësirën e më poshtme për komentet. /Telegrafi/
When FIFA says the GOAT debate is settled 🤯
(via @FIFAWorldCup) pic.twitter.com/hrGfkT7j79
— ESPN FC (@ESPNFC) December 19, 2022