Drejtori i Informacionit në RTV Dukagjini, Fidan Rama ka komentuar zhvillimet e fundit politike në vend.
Rama në “Debat Plus” me Ermal Pandurin në RTV Dukagjini ka thënë Vetëvendosje duke dërguar në Kushtetuese mandatarin Hoti, përcjell Telegrafi.
“LDK nuk ka pasur interesim të shkojë të bëjë qeveri pa legjitimitet. Nëse Vetëvendosje nuk do të dërgonte në Gjykatë këtë dekret pas disa ditësh i binte që LDK ta dërgonte veten në Gjykatë. Prandaj ky veprim i Vetëvendosjes ka sqaruar shumë dilema dhe ka hapur rrugë që në pritje të vendimit të relaksohet situata”.
Ai ka thënë se Gjykata Kushtetuese brenda një muaji do të jep një vendim historik që do të përcaktojë të ardhmen e funksionimit politik të partive në Kosovë, përcjell Telegrafi.
Rama ka thënë se çfarëdo vendimi që merr Gjykata Kushtetuese zgjedhje vështirë se mund të ketë këtë vit.
“Zoti Vitia mbrëmë tregoi disa masa që parashihen edhe pas shtatorit që nënkuptojnë anulimin e tubimeve, dasmave, ahengjeve. Zgjedhjet janë tubime më masive se dasmat e ahengjet”, tha ndër të tjera Fidan Rama./Telegrafi/