Prodhimi i makinës së vogël elektrike pritet të fillojë së shpejti. Tani fotot kanë rrjedhur.
Ka kohë që dihet se Fiat dëshiron të sjellë një version elektrik të veturës së tij të vogël Fiat 500 këtë vit.
Në të vërtetë duhet të ketë pasur detaje rreth veturës në Motor Show në Gjenevë, por ngjarja u anulua për shkak të virusit vdekjeprurës që ka pushtuar botën, transmeton Telegrafi.
Sidoqoftë, ka fotografi të reja të veturës, ato u zbuluan sipas një raporti në Electrek.
Fillimi i prodhimit
Sipas raporteve të fundit, Fiat planifikon të prodhojë 80,000 makina elektrike në vit. Prodhimi është planifikuar të fillojë në tremujorin e dytë të vitit 2020.
Sipas informacioneve të fundit nga shefi i Fiat Olivier Francois, Fiat 500e do të shitet me një çmim 32,000 euro. Mirëpo fansat e kësaj makine fillimisht prisnin një çmim më të lirë.
Sidoqoftë, detajet tjera teknike janë ende të panjohura. Mediat më parë spekuluan për një interval të shkurtër rreth 200 kilometra. Kjo mund të bëjë që Fiat do të quhet si një makinë e qytetit, dhe në këtë mënyrë të konkurrojë Hondan. /Telegrafi/