Kosova ka mbetur pa përzgjedhës që kur Bernarnd Challandesit i është ndërprerë kontrata.
Në krye të ekipit A për dy ndeshje ishte Primoh Gliha, i cili drejtoi Kosovën në ndeshje me Jordaninë dhe Greqinë.
Kryetari i FFK-së, Agim Ademi tash e një kohë është duke kërkuar trajner, ku nuk kanë munguar bisedimet me disa emrat të njohur, por së shpejti do të ketë zyrtarisht një të ri.
“KE diskutoi edhe zgjedhjen e përzgjedhësit të Kombëtares “A” dhe konstatoi se presidenti i FFK-së dhe Komisioni janë në bisedimet me disa trajnerë dhe çështja e përzgjedhjes do të dihet shumë shpejt dhe në kohë të duhur”, thuhet në njoftimin e FFK-së.
Felix Magath ka qenë emri më i komentuar në muajt e fundit, si opsion kryesor për të marr drejtimin e Kosovës.
Kosova do të ketë zyrtarisht përzgjedhës të ri para ndeshjeve të marsit. /Telegrafi/