Federata e Futbollit e Kosovës (FFK) ka lëshuar një njoftim të rëndësishëm për blerësit e biletave online për ndeshjen ndaj Bullgarisë.
Kosova është nikoqire e Bullgarisë në ndeshjen e parë eliminatore për Euro 2020 në kuadër të Grupit A.
Interesimi për këtë ndeshje ka qenë shumë i madh, ku biletat janë shitur për më pak se dy orë, teksa FFK ka ardhur me një njoftim të rëndësishëm për blerësit e tyre.
“Federata e Futbollit e Kosovës njofton të gjithë qytetarët që kanë blerë bileta online për ndeshjen Kosovë – Bullgari, se duhet ta shtypin biletën në versionin bardhezi”.
“Bileta e shtypur duhet të jetë e pastër dhe teksti e kodet duhet të jenë të lexueshme në mënyrë që poseduesi i biletës të mos ketë probleme gjatë hyrjes në stadium”.
“Pra, çdo posedues i biletës duhet ta ketë parasysh që ajo të mos jetë e dëmtuar”, thuhet në njoftimin e FFK-së.
Ndryshe, ndeshja pritet të fillojë nga ora 20:45 të hënën mbrëma, ndërsa dyert pritet të hapen nga ora 18:00. /Telegrafi/