Në dy ditët e fundit është hapur një debat se ndeshja e fundit që e vendos titullin e kampionit mes Prishtinës e Dritës duhet të zhvillohet në stadiumin e kryeqytetit.
Çfarë është e vërtet Stadiumi i Prishtinës në dy vitet e fundit ka qenë në rinovim, duke u stërzgjatur rinovimi i tij, edhe pse në vendet tjera për dy vite ndërtohet një stadium i tërë.
Klubi i Prishtinës që e ka edhe mbështetjen e kryetarit të komunës, Shpend Ahmeti, kërkon që ndeshja të zhvillohet në stadiumin e qytet që sipas tyre i plotëson kushtet për këtë ndeshje.
Në anën tjetër shihet një ngurrim dhe refuzim i FFK-së, për ta zhvilluar ndeshjen aty.
Në anën tjetër nuk ka ende reagim zyrtar të MKRS-së që janë investitor së bashku me Komunën e Prishtinës.
FFK thotë se stadiumi nuk është gati, por e vërtet qëndron ndryshe, pasi stadiumi i Prishtinës qëndron më mirë se sa katër stadiume tjera që zhvillohen ndeshjet e Superligës, ku nuk pa pasur nevojë as për pranim teknik e lerë me gjëra të tjera.
Stadiumi ‘Zahir Pajaziti’ ku i zhvillon ndeshjet Llapi është një punishte në ndërtim, ku të dy tribuna ende nuk kanë përfunduar dhe pas një asnjë pranim teknik ndeshjet aty zhvillohen.
Njëjtë qëndron situata edhe stadiume si Shahin Haxhiislami në Pejë, stadiumi ‘Rexhep Rexhepi’ në Drenas e stadiumi ‘Përparim Thaqi’ në Prizren.
Në të gjithë këto stadiume punimet janë të hapura, ku situata qëndron më keq se sa në stadiumin e Prishtinës. /Telegrafi/