Federata e Futbollit të Kosovës dhe kryetari Fadil Vokrri kanë shtruar darkë solemne për ta përshëndetur trajnerin shumë vjeçar të Përfaqësueses, Albert Bunjakun.
Presidenti i FFK-së, Fadil Vokrri, ka shtruar sonte një darkë solemne në “Elita Restaurant” në Shkodër për ekipin Përfaqësues dhe stafin përcjellës, për nder të përzgjedhësit në largim, Albert Bunjaku.
Me këtë rast, presidenti Vokrri dhe kapiteni Samir Ujkani ia kanë ndarë përzgjedhësit një fanellë të Përfaqësueses me nënshkrimet e të gjithë futbollistëve dhe stafit, duke i shprehur falënderime për punën e bërë në krijimin e këtij grupi të futbollistëve.
Në anën tjetër, përzgjedhësi Albert Bunjaku ka falënderuar edhe një herë presidentin Vokrri dhe Komitetin Ekzekutiv të FFK-së për besimin që ia dhanë për të drejtuar Përfaqësuesen, derisa shprehur falënderim të madh për të gjithë futbollistët, duke ua bërë me dije se ata do të mbesin gjithmonë në zemrën e tij.
Bunjaku gjithashtu uroj që Përfaqësuesja e e Kosovës të vazhdojë të rritet dhe të ketë suksese në të ardhmen.
Ndryshe, Bunjaku ka qëndruar në krye të ekipit përfaqësues të Kosovës për rreth tetë vite, duke provuar më shumë se 200 futbollistë.
Në këto eliminatore për botërorin “Rusia 2018”, Kosova ka arritur të marr vetëm një pikë në udhëtim te Finalnda, ku barazuan me rezultat 1-1. /Telegrafi/
