Kapiteni i Besës, Fisnik Papuqi ka marrë një dënim të rëndë nga Federata e Futbollit të Kosovës.
Komisioni disiplinor i shkallës së parë e ka dënuar me tri ndeshje moslojë mbrojtësin pejan.
Papuqi u dënua pasi mori karton të kuq ndaj Drenicës dhe protestoi ashpër në vendimin e gjyqtarit.
“Ndëshkim me karton të kuq (protestim jo tolerues në vendimin e gjyqtarit kryesor pas akordimit të penalltisë), në ndeshjen e xhiros së XXXI, dënohet me ndalesë loje prej tri ndeshjeve në të gjitha ndeshjet e organizuara nga FFK”, thuhet në njoftimin e federatës së futbollit të Kosovës.
Ky dënim Papuqit ia ka humbur edhe finalen e Kupës së Kosovës ku Besa do të përballet me Llapin. /Telegrafi/