Site icon Telegrafi

Feyenoord ndryshoi stemën dhe bëri Evropën të qeshë: A mund t’i dalloni katër ndryshimet?

Shkumbin Pireva

Gjiganti holandez dhe ish-kampioni evropian, Feyenoord ndryshoi emblemën e ekipit të futbollit dhe ky vendim bëri të qeshë të gjithë Evropën për shkak të diferencave të padukshme në krahasim me stemën e fundit.

Feyenoord, i cili u themelua 116 vite më parë, së fundmi është kthyer në shtigjet e lavdisë së tij të vjetër. Dorën në zemër, ai nuk luan një rol kaq të rëndësishëm në futbollin evropian, por më në fund po rikthehet në fron në Holandë.

Ish-kampioni i Evropës priti gati 20 vjet për titullin kampion të vendit të tij dhe më pas në 2017 dhe 2023 fitoi përfundimisht titullin në Eredivisie. Sezonin e kaluar, ai fitoi Kupën e Holandës dhe u kualifikua në Ligën e Kampionëve.

 

Gjatë pushimit të verës, Feyenoord vendosi të ndryshojë stemën. Asgjë këtu nuk do të ishte kaq e veçantë, nëse klubi nuk do të kishte vendosur për ndryshime të vështira për t’u parë që bënë të qeshë të gjithë njohësit e futbollit në Evropë.

Në pamje të parë, nuk ka asgjë të re për stemën e re të Feyenoordit. Megjithatë, klubi njoftoi se janë bërë katër ndryshime, edhe pse janë shumë të vështira për t’u vënë re.

 

Feyenoord vendosi të kryejë ndryshimet e mëposhtme në stemën e re:

1.Ngjyra e kuqe në stemë është çelur

2.Shkronja “F” është zhvendosur më shumë drejt qendrës së stemës

3.Shkronjat që përbëjnë “Feyenoord” janë të renditura më mirë

4.Vija e hollë “e artë” që shtrihej midis së kuqes dhe të bardhës në mes të stemës u largua

/Telegrafi/

 

 

 

Exit mobile version